%2014.25.15.png)
Alzheimerraren Nazioarteko Eguna da gaur (irailak21), eta horren harira, Afagi Gipuzkoako Alzheimerdunen eta bestelako Dementziadunen Senitartekoen eta Lagunen Elkarteak hainbat ekitaldi antolatu ditu, Zaintzailearen balioa lelopean. Zarautzen hitzaldi bat eskainiko du irailaren 29an, 19:00tan hasita, Modelon.
Alzheimerdun zaintzaileen lana aldarrikatzea du helburu Afagiren kanpainak. Osasun zinegotzi Miren Letamendiaren esanetan, "babes osoa" eskaini behar zaie zaintzaileei, "gaixotasun honen aurrean aktore nagusiak direlako". Zaintzaren pisua "elkarbanatu" egin behar dela dio, eta "pairatzen dutena gizarteratu eta ahal den laguntza gehiena eskaini".
Urola Kostan 85 bazkide ditu Afagik, eta horietatik 57 zarauztarrak. Udalak lagatako lokala erabiltzen dute, eta egiten duten lana goratu zuen Letamendiak.