Lehia parekatu izan zuten Aitor Urbitarte Txangurroren mutilek talde andaluziarren aurka. Lehen zatian oso berdinduta aritu ziren, baina zarauztarrak puntu bateko aldearekin iritsi ziren atsedenaldira, 12-11koarekin. Bigarren zatiko lehenengo ordu laurdenean, ordea, aldea areagotzeari ekin zioten etxekoek, eta hamar minuturen faltan sei golen aldearekin jarri ziren markagailuan, 21-15koarekin. Hortik aurrera, egindako lanari eutsi zioten, partida 25-20ko emaitzarekin irabaziz.
Igande honetan, bigarren jardunaldian, Alarcos Ciudad Realen aurka neurtu beharko dituzte indarrak. Ciudad Realeko Quijote Arenan jokatuko dute, 12:00etan hasita.
Emakumezkoak Bilbora
Aiala Zarautzek asteburu honetan izango du ligako lehen norgehiagoka. Bilbon izango du partida, 17:30ean, San Adrianen aurka. Hain justu ere, elkarren aurko lehiatu dira asteburu honetan Euskadiko Kopako kanporaketan, eta 27-30eko emaitzarekin bukatu zen, bizkaitarren alde.
