Atzo atseden hartu ondoren, gaur beste kirol jardunaldia izango da Eneko Goenaga eta Mikel Amilibiarentzat. Danimarkaren aurka jokatuko du Espainiak, txanda nagusiko lehenbiziko partidan. 17:00etan izango da, eta zuzenean jarraitu ahalko da internet bidez.
Zagreben (Kroazia) ari dira jokatzen zarauztarra eta oriotarra jubenil mailako Europako Eskubaloi Txapelketa, Espainiako selekzioarekin. Punturik gabe igaro dira txanda nagusira Espainia zein Danimarka, eta gaurko partida garrantzitsua izango da finalaurrekoetarako txartela eskuratzeko.
