Erakusketa berria antolatu dute Ispilu Arte galerian: Itsasbazter natura izenekoa. Bertan hainbat artisten lanak jaso dituzte, besteak beste, Juan Luis Mendizabal Mendi, Ainize Txopitea, Marian Aranburu, Viki Claramunt eta Udane Juaristirenak. Ostiralean inauguratuko dute erakusketa berria. 20:00etan jarri dute hitzordua.
Larunbatean, berriz, ohiko udako enkantea izango da. Bestalde, argazki lehiaketa ere antolatu du galeriak eta dagoeneko eman daiteke izena. Ispilu Artera bertara jo beharko da horretarako.