Legorburuk bere artelanak jarriko ditu erakusgai Ispilu Arte galerian, ostiral honetatik aurrera. Inaugurazio ekitaldia, gainera, Tormenta en el Jardin musika taldeak girotuko du. Irekiera 20:00etan izango da.
Ispilu Artek, era berean, datorren hilabeterako antolatu dituen jardueren berri eman du. Abuztuaren 12an Itsasbazter natura izeneko erakusketa kolektiboa zabalduko du, 20:00etan. Bertan hainbat artistaren margolanak eta eskulturak ikusteko parada izango da.
Abuztuaren 20an, 18:30ean hasita, udako enkantea egingo dute, eta hilabetean zehar, argazki lehiaketa, Elena Asinsen Canons 22 eskultura oinarri hartuta.