Olagarroa, lakoia, enpanada, Albariñoa, Ribeiroa... Jende ugari bertaratu da San Pelaioko zelaira Galiziako produktu horiek dastatu eta giroaz gozatzera. Arratsaldean jarraituko du festak. Zarauzko Montetxio abesbatzak hainbat abesti kantatuko ditu 16:30ean eta 17:00etan, berriz, musika eta dantza izango da, Iruñeako Santiago Apostol taldea, Masustegiko Os Agarimos taldea eta Zarauzko Carballeira kultur elkartearen eskutik.