Hileko azken asteartero bezala, maiatzaren 24ean hitzaldia izango da Arkamurka natur elkarteak antolatuta. Kasu horretan, Jon Garin zein Iñaki Sanz Azkue biologoek eta Egoitz Alkorta Miranda Ingurugiro Zientzietan lizentziatuak Ziraba proiektuaren nondik norakoak azalduko dituzte 20:15ean, Arkamurkaren lokalean (Santa Marina 2-2).
Ziraba anfibioak eta narrastiak ardatz harturik, hainbat elkartek elkarlanean aurrera eramandako proiektua da. Ingurugiroa, hezkuntza, euskara eta zientzia uztartuz, auzolanaren bidez Hernanin hainbat ekintza burutu dituzte, herriko ondarea ezagutarazi eta berreskuratzeko helburuarekin.
Natur elkartearen atarian aurki daiteke ekitaldiaren inguruko informazio osoa.