- Zerbitzuak herritarrengana hurbiltzen jarraitzea: Herritarren Arreta Zerbitzu integrala martxan jartzea udaberrian (60.000 euro) ; udal zerbitzu telematikoak zabaltzea, tramiteak etxetik mugitu beharrik gabe egiteko; webgunean informazio aktiboa jartzea; udal zerbitzuen katalogoa egitea, erakundeak eskaintzen dituen zerbitzuen inguruko xehetasunak jakinarazteko; Herritarren Arretako zerbitzuen karta egitea; Udaleko informazio historiko eta administratiboa biltzeko Dokumentazio Zentro berria sortzea.
- Administrazio eta lan prozesuak hobetzea: espedienteak kudeatzeko aplikazio informatikoa hobetzea; diru laguntzen Plan Estrategikoa onartzea; zergen kudeaketa eguneratzea; kontratazio alorreko aplikazio informatikoa sortzea; espedienteak sinplifikatzen jarraitzea; antolakuntza instituzional berrira egokitzeko, hiru informazio batzorde sortzea; Nortasun Korporatiboaren Eskuliburua egitea eta bideo akta sistema abian jarraitzea, besteak beste.
- Giza baliabideak optimizatzea: langilearen ataria finkatzea; behin-behineko lanpostuak hornitzea; lan eskaintza publikoa martxan jartzea; langileen etengabeko prestakuntza bultzatzea; laneko arriskuen prebentzioa bermatzea eta lanpostuak berrikustea, esaterako.
- Informatikako eta komunikazioko aplikazioak hobetzea: web orri berria garatzea; telefono gunea berritzea; bideo zaintza eta beste hainbat sistema bateratzea; dokumentuak kudeatzeko sistema berria jartzea; Bake Epaitegiarekin konexioa egitea, zuntz optikoaren bidez; ofimatikako lizentziak eguneratzea eta telefoniako operadore bat kontratatzea, besteak beste.