Garagardo azokan parte hartu duten guztiei eskerrak eman dizkie Zarautz errugbi taldeak. Zarauzko Udalari, Heinekeni eta babesle guztiei eskertu diete eginiko esfortzua. Bestetik, gogoan izan dituzte omendu zituzten Euskadiko itsas salbamentu humanitarioa taldeko kideak ere, baita karpara joan diren zarauztar nahiz bisitariak. "Datorren urtean ere data antzekoetan egingo dugun azokara etortzera gonbidatzen zaituztegu", nabarmendu dute. "Taldea indartzeko" erabiliko dute herritarrek eginiko ekarpena.
Zenbaki saritua
Desperados garagardoaren eskutik, zozketa bat egin zuten azokan, eta 173 zenbakia atera zuten. Zenbaki hori duenak hamabost eguneko epea izango du antolatzaileekin harremanetan jartzeko. Horretarako, telefono zenbaki honetara dei daiteke: 943-83 14 63.
Ohorezko A maila
Zarautz errugbi taldeko kideek gogorarazi dute laster jokatuko dutela Ohorezko A mailara igotzeko fasea. "Lan horretan ere zuen laguntza beharrezkoa izango dugu", esan dute. Astiko zelaria joatera gonbidatu dituzte, beraz, zarauztarrak.