Bidea 2016 egitasmoko lehen etapa Zarautzen bukatu zen atzo, igandea. Donostiatik irten ziren parte-hartzaileak, eta Zarautzen bukatu zuten ibilaldia, 16:00ak inguruan. 150 lagun bildu ziren, eta 27,3 kilometroko saioa izan zen Donostian, Orion eta Zarautzen geldialdiak eginda.
16:30ean kalejira egin zuten malekoian, flauta kontzertua entzun zuten 17:00etan eta etxera joaterako, bueltaxka egin zuten artisau azokara.
32 etapatan banatuta, Euskal Herriko hainbat txoko zeharkatuko dituzte oinez Bidea 2016n parte hartzen dutenek; bertan, kirola, kultura eta historia uztartuko dituzte. Donostia 2016 kultur hiriburutzaren baitako egitasmoa da, eta igandez igande egingo dituzte txangoak.