Apirilean bi ikastaro eskainiko dituzte Ebro Etxean, Zarauzko Kultura sailak eta Artezaleak taldeak antolatuta. Batetik, photoshop ikastaroa eskainiko dute hasiberrientzat eta, besteak beste, argazki-muntaiak egiten, testuak maketatzen eta argazkiak konpontzen ikasiko dute bertan parte-hartzaileek. Hiru saio izango dira, apirilaren 5ean, 12an eta 19an, 16:30etik 19:00etara. 35 euro ordaindu beharko dira.
Bestetik, blog bat nola sortzen den ikasteko aukera ere izango da. Blog baten atalak zeintzuk diren eta nola sortzen diren azalduko zaie parte-hartzaileei ikastaro horretan. Wordpress programa baliatuko dute horretarako. Apirilaren 26tik hasita, sei saio izango dira, asteartero, 16:30etik 19:00etara. 70 euro kostako da ikastaro hori.
Bi ikastaroak Maria Villalonek eskainiko ditu.
Ebro Etxean eskura daiteke informazioa eta baita izena eman ere, bertaratuta (Zumalakarregi, 16), artezaleakzarautz@gmail.com helbidera idatzita ala 943-835568 telefonora deituta.