Eskualdea osatzen duten txoko, istorio eta protagonistei ahotsa ematera dator beste denboraldi batez GUKA magazina. Urriko atalean, Zarautz bisitatu du Mireia Galarza kazetariak, eta Andoni Egaña bertsolariarekin izan da solasean. Berrikuntza nagusia Urrutira joan gabe atalak dakar; aurrerantzean, Xabat Olaizola izango da eskualdeko txoko bereziak erakusteaz arduratuko den aurkezlea, eta oraingoan Beizamako bazterrak erakutsiko dizkigu. Azpeiti-Azkoitiko Iraurgi Saskibaloi elkarteko kideekin izango da Nerea Uranga kazetaria, eta aurreko denboraldian bezala, agendaren berri emango du Andoni Elduaienek.