Euskara ez da berez bizi. Erabiltzen dugulako bizi da. Kalean, dendan, kirolean, lanean, kuadrillan, sareetan..., baita euskaraz egin genezakeen baina egiten ez dugun aldiro ere.
Esnatu dinamikak galdera hori ekarri nahi du Zarautzera: zer egin dezakegu zarauztarrok euskarari arnas ematen jarraitzeko? Ez bakarrik zer egin dezakeen udalak, eskolak edo euskara elkarteak. Zer egin dezakegu guk?
Irailaren 30ean, asteazkena, 18:00etan, Etxezabalan Esnatu dinamikaren aurkezpena izango da. Euskara Zarautzen indartsu nahi badugu, agian, iratzargailua jarri beharko genuke.
Etorri. Pentsatu. Proposatu. Egin.