Bizkaia kaleak ia herri osoa zeharkatzen du gaur egun, baina ez da beti horrela izan. Horren adibide da hil honetako Zaharrak Berriko argazkia: 1984ko data. du, eta Xanti Iruretagoiena argazkilariak egindakoa da Villa Manuelatik. Ezkerraldean, Herrikobarra kaleko eraikinen atzeko fatxadak ikus daitezke, eta erdialdean, berriz, tailerrak eta pabiloiak gaur egungo Bizkaia kalean. Era berean, Salbide auzorako bide zaharra ikus daiteke, eta tailerrak atzean utzita, baratzeak.
40 urte geroago, tailer, pabiloi eta baratze horiek ez dira existitzen, eta etxebizitzek, bi noranzkoetarako errepideak, biribilguneak eta lur azpiko pasagunea daude eremu horretan. Pasaia urbanistikoa erabat ezberdina da, eta atzera begirakoa egitarakoan, sasoi hura ezagutu zutenentzat normala da nostalgiaz oroitzea garai bateko Zarauzko hura.