Zaharrak Berri atala eguneratzeko 42 urte atzera egin du Zarautz Gukak. Martxoko lehen igandean, 1984ko argazki bat da protagonista; gaur egungoaren antzik ez badu ere, Aritzbatalde kiroldegiaren ondoko orubea da ikus daitekeena, eta zezen plaza ibiltari bat dago bertan.
Instalazio hura bi urtez jarraian jarri zuten Zarautzen, eta zezenaren bueltako hainbat ikuskizun eskaini zituzten bertan herritarrentzat; esaterako, hain ezaguna zenTorero bombero emanaldia.
Arreta handirik jarri beharrik ez dago auzoaren bilakaera handia izan dela jabetzeko. Izan ere, irudiaren atzealdean ikus daitezkeen baratzeetan makina bat etxe daude egun, Herrikosoro eta Krabelinsoro kaleetakoak, kasurako. Ziaboga eta Andatza tabernak, haurren parkea, eta hura inguratzen duten etxeak ere eraikitzeke zeuden oraindik argazkia atera zutenean. Kontrara, irudiaren erdian errepara daitekeen baserria ez dago jada.
Zezen ikuskizunak egiteko ez ezik, San Joan sua ere zelaigune horretan egiten zen urte haietan, baita beste hainbat herri ikuskizun ere. Zirkoa etortzen zenenean ere bertan jartzen zuten.