arrastada. 1) iz. Urratua edo harramazka, larruazalean egindakoa, batik bat.
arrastada. 2) iz. Belarra mozterakoan edo antzeko lanetan segarekin edo igitaiarekin ematen den ebakialdietako bakoitza.
arrastada. 3) iz. Zerbait egiterakoan sakontasun handirik gabe gauzatzen dena; zerbaiti (garbitu, pintatu, zuritu, txukundu…) ematen zaion pasaldi arina edo errepasoa.
arrastada. 4) iz. Zerbaiti egindako nolabaiteko kaltea, norberaren estimuan edo maitasunezko kontuetan batik bat (bihotzean egin ohi da arrastada hori).
Harramazka edo zauritxoari deitzen zaio arrastada, laharrak edo beste landare arantzadun batek larruazalean egindakoa, esaterako . Bestalde, segarekin edo igitaiarekin lanean ari garela egiten den ebakialdi bakoitza ere arrastada da. Zerbaiti errepaso arin bat ematen zaionean ere arrastada bat eman esaten zaio; horrela pintura-arrastada bat eman sarrerako ateari, edo garbi-arrastada eman gelari zikin aurkiak kentzeko. Zerbaitek arrastada egin esaten da nolabaiteko kaltea egiten duenean (bihotzean arrastada egin ere esaten da). Estimu edo maitasunezko kontuetan erabili ohi da gehientsuenetan, eta zerbaitek une edo gai sentikorren bat ukitzen duenean erabiltzen da; haren purrustadak arrastada egin zidan (bihotzean); hau da, kalte emozionala sortu zidan haren jokaerak.