aska. 1) iz. Abereei janaria jartzen zaien ontzia, lehen egurrezkoa izaten zena gehienetan. 2) iz. Abereei edaten emateko ontzia edo ura biltzeko uhaska, gehienetan edanleku laukizuzen luze eta estua. 3) iz. Ogi-irin edo artirinezko orea egiteko erabiltzen den zurezko ontzi luzanga, itxuraz eta eitez ur-aska baten antzekoa; beharbada, egokiago da ore-mahai deitzea.
Arrotzekin begirune askorik ez dela eduki behar adierazteko, esan ohi da arrotz maiteena, askan, hau da, abereak bezalatsu tratatu behar direla. Gariak zein ogi-iirinak beraiek bakarrik nahi dutela adierazteko, hau da, ez dutela beste nahasterik nahi adierazteko, esan ohi da: ogiak ez du lagunik nahi ez landan, ez askan, ez labean.