kinkilero, kinkilari. iz. Kinkila salduz bizi den merkataria, batik bat feriaz feria edo saltzaile ibiltari gisa dabilena.
Kinkileroarena desagertzear dirudien merkataritza mota da. Kinkila-saltzaileak hainbat gauza zituen salgai (lanabesak eta tresnak, letoi, zink, burdina edo altzairuzko gaiak, ontziteria, metal eta metalen hondakinak, mahai-tresnak, labanak, arropak…) zenbaitetan bigarren erabilerakoak, prezio onean edota eroslea tratu eginez merkatzen saiatzen zena. Kinkila-saltzaile horiek ferianteak edo mertzeroak izan ohi ziren maiz, eta garai batean baserriz baserri ere ibili ohi ziren beren kinkila saldu nahian. Ezin ahaztu kinkila-saltzaile horietatik eratorritakoa dela kinki hitza, gaitzespen kutsukoa.