Ostiral honetan eskola komunitate osoari Orokieta Herri Eskolako irudi berritua
aurkeztu zaio eskolako eraikin bakoitzean egindako ekitaldi banarekin.
Bagenuen lehen ere irudia, gure Koxme eta bere olatuak, baina urte berriarekin batera, hau ere berritu dugu.
Logo hau ez da soilik irudi bat, gure komunitatearen eta gizartearen aldaketen
irudikapen indartsu bat baizik.
Oraingo irudi berrirako, aurreko logotik zein elementu mantendu garbi genuen.
Orokieta betikoa, baina berria.
Gure baloreen eta konpromisoaren adierazgarri izatea lortu nahi genuen eta halaxe
dela iruditzen zaigu.
Orokieta izen bat baino gehiago da; gure izaera eta nortasunaren isla da.
Zarautzen sustraitua, elkarlana eta balioak ditugu itsasargi: euskara dugu bihotz,
komunitatea ardatz, eta elkarrekin hezteko nahia helburu.
Logotipo berriak eskolaren arima irudikatzen du hiru elementu nagusiren bidez:
Uztai koloretsuak komunitatea, aniztasuna eta ezberdintasunaren aberastasuna
islatzen ditu.
Orokietan denok dugu lekua, zuk, nik, orok…Orotarikoa baita Orokieta.
Erdigunean dago Koxme Balea, ikasleen bizipoza eta indarra irudikatzen dituena. Zarauzko olatuen gainean dantzan doa, etorkizunera adi, alai aurrerantz,
komunitatearen bultzadari esker. Talde lanean eta guztion kemenarekin, gure ikasleen etorkizuna eraldatu nahi dugu.
