Egitarauari goizeko 10:00etan emango diote hasiera. 5 urteko haurrak eta LH 1etik LH 4ra bitarteko ikasleek, JUDO FAMILIAN egiteko aukera izango dute, Alvaro Mendibek gidatuta.
Eguerdiko etenaldiaren ondoren, iaz DBH 4 bukatu zuten ikasle ohien topaketa izango da eta 16:00etan izango da JAIAREN HASIERA, pilota txapelketako finalekin batera.
Beranduago etorriko dira, HAUR PARKEAren irekiera, puzgarriekin eta txikienentzako gozagarri izango diren ludotekarekin; jolasak eta tailerrak gazteentzako; photocall-a eta guraso eta ikasleen aurkako ESKUBALOI eta FUTBOL PARTIDAK.
18:45ean, DBH 1 eta DBH 2. mailako ikasleek MUSIKA EMANALDIA eskainiko dute eta ordu-erdi beranduago LH 4ko ikasleek, Mireia Alberdi-ren laguntzarekin EUSKAL DANTZEN EMANALDIA eskainiko dute. Ikasturtean zehar ikasitakoa, taularatu eta guraso eta bertaratzen den guztiei erakusteko momentua.
19:30ean hasiko da eguneko ekitaldi hunkigarriena, izan ere, ordu horretan, ekainean, Ikastetxean beraien ibilbidea amaitzen duten ikasle eta gurasoei eskertza ekitaldia ospatuko da.
20:00etan txikienentzat DISKOFESTA. Ondoren izango da AFARIA frontoian eta eguna dantzan bukatzeko, DJ MIKELTXIrekin DANTZALDIA.
Aukera aparta beraz, egun eder bat pasatzeko. Gonbidatuta zaudete denok ere festara gerturatzeko!