Eraitsi

eraitsi. 1) ad. Jaitsarazi.

eraitsi. 2) ad. Erorarazi; bota, lurrera bota.

eraitsi. 3) ad. Eraikinez eta kidekoez mintzatuz, lurrera bota.

Zerbait jaitsarazteari deitzen zaio eraistea; horrela, mahai gainetik eraitsi daiteke hara igo dena, edo lurrera eraitsi zutik zegoen zuhaitza. Eraikin batez ari bagara, lurrera botatzea da eraistea. Gauza bat gertatzeko unetik hurbil dagoenean, esaten da: Madari heldua haize gutxik eraisten du behera. Eraitsi erabiliz osatzen dira esamolde esanguratsuak; adibidez: galtzak eraitsi esamoldea erabiltzen da belarri finetarako desegokia den kaka egin ordezkatzeko. Beste esamolde bat eraitsita egon da, eta esan nahi du lurrera erorita egon; oso nekatua egon adierazteko ere erabiltzen da; gorputza indarrik gabe edukitzea esan nahi du, animoz eroria egotea edo.