Zipitzik

zipitz. iz. Ezezko esaldietan erabiltzen da (zipitzik forman) ezer ez, batere ez adierazteko.

Badira hainbat esamolde, Zarautzen behintzat, zipitzik erabiltzen dutenak ezer ez edo batere ez adierazteko: ez du arreta zipitzik jarri, zipitzik ere ez du jan, zipitzik ez du utzi, ez du zipitzik balio, horrek ez du zipitzik ikusten, ez didate kasu zipitzik egin (erdi-erdarazko puto kasurik ez egin baino jatorragoa da). Dena dela, kasurik ez egite hori beste hainbat modutara ere (eskatologikoagoak maiz) esan daiteke: zakurraren ipurdira bidali naute, ipurdian pasatu dute nik esana…