Lizar adarrez estalita itzartu da Santa Marina kalea. San Joan eguna da gaur, eta errituaren arabera, lizarrak tximistak aldentzeko eta etxea babesteko ahalmena du. Hain zuzen ere, antzinan, euskaldunek lizar adarrak eskegitzen zituzten ateetan, sorginak eta begizkoak etxetik urruntzeko.
San Joan egunez, egunsentia baino lehen moztutako adarrak jartzen zituzten etxe sarreretan, eta San Pedro eguna iritsi arte mantentzen ziren bertan. Lizarra ez zen soilik babes tresna bat, izan ere, euskal mitologian garrantzi handia izan duen zuhaitza da, eguzkilorearen antzera.