Azken hilabeteetan bere kolekzio berriaren aurrerapen zertzeladak eskaintzen aritu da Markel Velez bere sare sozialen bitartez, eta Gabonen atarian, dagoeneko kalean da Herdoil 2024: Ongi etorri infernura kolekzioa. Velezen hitzetan, kolekzio berria isilpean dagoen oihu bat da, desioa itzalpean duena.
Protagonista, bakarrik eta baztertuta sentitu ondoren, bere komunitatea aurkitzen du LGTBIQ+ kolektiboan, eta bertan aurkitzen du aurrera jarraitzeko indarra. "Barrena husteko istorioa da, ikusezinaren aurkako borroka eta anonimotasunaren iluntasunean argia aurkitzea", azaldu du Velezek.