Prezioen etengabeko gorakada honetan, kontsumo ohiturak aldatu ote dituzten galdetu zien Zarauzko Hitzak urrian bere irakurleei hedabidearen atari digitalean. Erantzun zutenen erdiak, %51,2ak, produktu merkeagoak erosten dituela erantzun zuen, eskaintza bereziei eta beherapenei arreta gehiago jarrita. %21,95ek erosketak ohiko moduan egiten dituela zehaztu zuen, eta %19,51ek, berriz, beraien ohitura aldatu den arren, kalitatezko produktuak ordaintzen jarraitzen dutela. Gutxiengo bat izan zen gutxiago erosten dutenak, hau da, %7,32ak.
