Zarauzko Udaltzaingoak Zarauzko Hitzari adierazitakoaren arabera, bart goizaldekoak dira azken orduotan zabaltzen ari diren basurdeen irudiak. Bideoan hiru basurde ikus daitezke Salbide auzoan, auzoko jolastoki inguruan bueltaka.
Hala eta guztiz ere, atzokoa ez da basurdeak Zarauzko herrian dabiltzala frogatzen duen lehen bideoa. Duela bi aste ikusi zituzten beste hiru Vista Alegre auzoan.