Gurutxurtuko kideak elurretan izan dira asteburu honetan. Larunbatean iritsi ziren Larra Belagua eski estaziora Gurutxurtutarrak. Bertako begiraleekin bi orduko ikastaroa egin ondoren, ikasitakoa baliatuz, ederki ibili ziren iraupen eskia eginez.
Izabako aterpean pasa zuten gaua eta indarrak hartuta ekin zioten igandeko egunari. Eguraldi eguzkitsuarekin egun pasa ederra egin ondoren bueltatu ziren Zarautzera haur, begirale eta helduak.
Datorren irteera bertan behera
Bestalde, martxoaren 15erako iragarrita zeukaten mendi irteera bertan behera utzi dute. Gipuzkoako Mendi Federazioak antolatutako ibilaldi neurtuen egunarekin bat egiten du, eta horregatik hartu dute erabakia.
Zarauzko Gazteria Sailak diruz lagundutako ekintza da hau.