Zarauzko Euskaraldiaren batzordea hainbat ekitaldi antolatzen ari da maiatzaren 15etik 25era egingo den ariketa soziolinguistikora girotzeko. Joan den astean hitanoari buruzko solasaldi interesagarriaren ondotik, ostiral honetan, gune ibiltaria eta haurrentzako jolasak prestatu dituzte.
Zarauzko aisialdiko begiraleek gidatuko dute jardunaldia, 17:00etatik 20:00etara, Lege Zaharren Enparantzan. Eguraldi txarra egingo balu, Merkatu Plazako lehen solairura lekualdatuko lukete.
Egitasmoa iragartzeko, gainera, Motxian-Etxebeltz Bertsoguneko ikasle gaztetxoek bertso bat sortu eta bideoz grabatu dute.