Egile-eskubideak lagatzeko hitzarmena sinatu zuen Xanti Iruretagoienak eta Zarauzko Udalak, 2019an. Dohaintzan 100 argazki album inguru eman zizkion udalari orduan, 1976tik aurrerako argazkiekin "artxibo hori zaintzea eta zabaltzea" helburu hartuta. Hala, orain digitalizatu eta katalogatu egin ditu instituzioak, eta udal argazki artxiboan sartu ditu.
Hainbat eratako argazkiak dira: estudioko argazki eta erreportajeak; kirol-lehiaketak; uholdeak; azpiegiturak; omenaldiak; inaugurazioak eta ikuskizunak; kultur-ekintzak edota festak.
Ondare hori "oso balio handikoa da" herriko ohiturak eta desagertutako ondarea ezagutzeko. Hiru urte behar izan dituzte argazkiak digitalizatu eta katalogatzeko; azken zatiaren lanak orain gutxi amaitu dituzte, eta eduki osoa jarri dute orain herritarren eskuragarri.