Gabilondo, Gurrutxaga, Zubia, Maia eta Lizaso sailkatu dira finalaurrekoetara

Urola Kostako Hitza 2015eko azaroaren 9a

Eskoriatzan jokatu zen atzo (igandea) Gipuzkoako Bertsolari Txapelketako azken final laurdena. Urola Kostako bertsolarien artetik Beñat Lizaso aritu zen bertan, eta Unai Agirre irabazlearen atzetik gelditu zen azpeitiarra.

520 bertsozale inguru bildu ziren Eskoriatzako Manuel Muñoz kiroldegian. Agirre eta Lizasoren atzetik Oihana Iguaranek egin zuen.

BERTSOLARIA	PUNTUAZIOA
Unai Goia Agirre	497,5
Beñat Lizaso Alberdi	485,5
Oihana Iguaran Barandiaran	484
Mikel Artola Izagirre	480
Unai Mendizabal Jauregi	480
Manu Goiogana Bengoetxea	450

Atzoko saioaren ostean erabakita gelditu da zeintzuk izango dira finalaurrekoak jokatuko dituzten 18 bertsolariak. Urola Kostatik bost dira finalaurrekoetan ariko direnak: Nahikari Gabilondo (Zarautz), Iñaki Gurrutxaga (Orio), Felix Zubia (Zarautz), Jon Maia (Zumaia) eta Beñat Lizaso (Azpeitia).

Finalaurrekoetako 18 bertsolariak dira:

Beñat Gaztelumendi Arandia, Agin Laburu Rezola, Nahikari Gabilondo Mendizabal, Ander Lizarralde Jimeno, Iñaki Gurrutxaga Zubimendi, Felix Zubia Olaskoaga, Iñaki Apalategi Astigarraga, Unai Agirre Goia, Alaia Martin Etxebeste, Beñat Iguaran Amondarain, Nerea Elustondo Plazaola, Arkaitz Oiartzabal Agirre Xamoa, Jon Maia Soria, Beñat Lizaso Alberdi, Jon Martin Etxebeste, Unai Gaztelumendi Arandia, Oihana Iguaran Barandiaran eta Mikel Artola Izagirre.

Finalaurreko hiru saio: Zarautzen, Tolosan eta Eibarren

Azaroaren 22an hasiko dira finalaurrekoak. Zarautzen jokatuko dute aurrena. Gero, Tolosan eta Eibarren jokatuko dira.

Zarautzen azaroaren 22an (igandea) da, 17:30ean, Aritzbatalde kiroldegian. Bertan ariko diren bertsolariak dira: Agin Laburu, Alaia Martin, Ander Lizarralde, Jon Martin eta Unai Gaztelumendi.

Tolosan azaroaren 29an (igandea) da, 17:30ean, Usabal kiroldegian. Han ariko dira: Beñat Gaztelumendi, Beñat Lizaso, Iñaki Apalategi, Nerea Elustondo, Oihana Iguaran eta Unai Agirre.

Eibarren abenduaren 6an (igandea) da, Astelena pilotalekuan. Han jardungo duten sei bertsolariak dira: Arkaitz Oiartzabal Xamoa, Felix Zubia, Iñaki Gurrutxaga, Jon Maia, Mikel Artola eta Nahikari Gabilondo.

Ohi bezala, sarrerak dagoeneko salgai daude www,bertsosarrerak.eus webgunean.

Zarautz Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.

Izan Gukakide