Gaur, apirilak 21, Eusko Legebiltzarrerako bozak izango dira Araban, Bizkaian eta Gipuzkoan. Ohi bezala, herritarrek botoa emateko aukera izango dute 09:00etatik 20:00etara, eta ordu horretatik aurrera hasiko dira jakiten herriz herriko emaitzak. Atari honek gertutik jarraituko du hauteskunde gaua, eta 21:00etatik aurrera hasiko da unean uneko emaitzak eskaintzen, grafiko eta bestelako irudiez osatuta.
2020ko uztailaren 12an egin ziren Eusko Legebiltzarrerako azken bozak. Urola Kostan boto gehien EAJk lortu zituen: 14.673. Bigarren indarra, berriz, EH Bildu izan zen, 14.501 bozekin. Hirugarren bozkatuena PSE-EE izan zen, 2.165 botorekin. Elkarrekin-Podemos izan zen laugarren bozkatuena, 1.390 botorekin. Bosgarrenak, PPk, 648 boto bildu zituen. Parte hartzea %59,82koa izan zen, eta abstentzioa %40,18koa. Hemen ikus daitezke orduko emaitzak, bai eskualde mailakoak, bai herriz herrikoak.