Urolako Komunikazio Taldea (UKT) bereizmen handian (HD) ari da eskaintzen otsail erdiaz geroztik Erlo Guka Telebista. Hori horrela, ikus-entzuleek irudi eta soinu kalitate tekniko handienean ikus dezakete jada barne produkzioaren zati nagusia: zuzenekoak, erreportajeak, elkarrizketak eta albistegia.
Dena den, Erlo Guka Telebista Lurreko Telebista Digitalaren (LTD) bidez edo antenatik HD kanalean ikusi nahi dutenek beharrezkoa izango dute katea sintonizatzea. UKTk Erlo Guka Telebistaren HD katea sintonizatzera eta katea telebistaren urrutiko kontrolaren aurreneko postuetan jartzera animatu nahi ditu ikus-entzuleak.