Indarkeria matxistari buruzko jardunaldiak antolatu ditu Parekidetasun sailak

Indarkeria matxista jasan duten emakumeek, behin salaketa jarriz gero, bizitzen duten prozesuari buruzko gogoetae egitea da jardunaldian horien helburua: salaketa jartzearen garrantziaz, legearen argi-itzalez, epaitegietako prozesuaz eta emakumeak jasan dezakeen bigarren biktimizazioaz, besteak beste. Azaroaren 23an izango da, Alameda hotelean.

Eta salaketaren ondoren, zer? lelopean, parte-hartzaileek hainbat hitzaldiretan parte hartzeko aukera izango dute. Guztiak gaztelaniaz izango dira. Hona hemen Parekidetasun sailak antolatu duen egitaraua:

-9:30. Harrera

-9:45. Inaugurazioa. Xabier Txurruka alkateak eta Gloria Vazquez Parekidetasun zinegotziak hartuko dute parte, besteak beste.

-10:00-11:00. Indarkeria sexistaren aurkako erantzun penala: alde onak eta txarrak hitzaldia,
Miren Ortubay EHUko Zuzenbide Penaleko irakasle eta María de Maeztu forum feministako kidearen eskutik.

-11:00-11:30. Atsedena.

-11:30-12:30. Eguneroko jardunaren mitoak eta errealitateak epaitegietan hitzaldia,
Patricia Verdes Cearra genero indarkerian espezializatutako abokatuaren eskutik.

-12:30-13:30. Salaketak emakumeengan duen eragin emozional eta psikologikoa hitzaldia, Norma Vazquez García psikoterapeuta eta Sortzen aholkularitzako zuzendariaren eskutik.

-14:00-16:00. Bazkaria. Alameda hotelean bazkaldu nahi dutenek aukera izango dute 15 euroren truke. Jatetxean bertan ordaindu beharko da. 

-16:00-17:00. Erronka berriak, genero indarkeriaren aurrean hitzaldia, Clara Campoamor elkarteko presidente Blanca Estrella Ruiz Ungoren eskutik.

-17:00-18:00. Genero indarkeriari aurre egiteko ahalduntzea. Indarkeria jasan duten emakumeen elkarteen esperientziak: Haize Berria (Bilbo), Mujeres que aman demasiado (Bilbo), Mujeres Bizirik (Gasteiz) eta Mujeres al Cuadrado (Eibar).

-18:00. Itxiera

Jardunaldia doan izango da, baina plazak mugatuak direnez, aurrez izena eman beharko da. Horretarako, hainbat bide jarri dituzte: berdintasunazarautz.files.wordpress.com atariaren bidez, Parekidetasun sailera bertaratuta (Zigordia kalea, 33, 1. solairua), 943-005117 telefonora deituta edota berdintasuna@zarautz.eus helbidera idatzita. 

Parekidetasun sailaren atarian dago eskuragarri informazio osoa.