Photomuseumek sustatutako eta Zarauzko Udalak babestutako kultur hedapenerako Gela programaren barruan, Zinemaren istoria saioko bigarren atala emango dute gaur Photomuseum argazki eta zinema museoan. Saioa 18:00etan hasiko da, eta sarrera doakoa izango da.
Bigarren atal honek Hollywoodeko zinema-estudioen gorakada du ardatz, Buster Keaton edota Charles Chaplinen komedia mutuei arreta berezia eskainiz. Era berean, Hollywoodeko luxuzko ereduaren aurka eta errealismoan errotuago zeuden filmei egingo zaie erreferentzia; hala nola Robert Flahertyren Nanook edo Theodor Dreyerren Jeanne d’Arc.