Urolako Komunikazio Taldeak (UKT) bereizmen handian (HD) eskainiko du aurrerantzean Erlo Guka Telebista. Hori horrela, ikus-entzuleek irudi eta soinu kalitate tekniko handienean ikus dezakete jada barne produkzioaren zati nagusia: zuzenekoak, erreportajeak, elkarrizketak eta albistegia.
Lurreko Telebista Digitalaren (LTD) bidez edo antenatik Erlo Guka Telebista HD kanalean ikusi nahi dutenek beharrezkoa izango dute katea sintonizatzea. Datozen hilabeteetan, Erlo Guka Telebistaren SD kanala ere (orain arteko kanala) HDarekin batera ikusi ahal izango da oraindik, baina asmoa da etorkizunean HD kanala bakarrik izatea indarrean.
UKTk bereizmen handiko katea sintonizatzera eta katea telebistaren mandoko aurreneko postuetan jartzera animatu nahi ditu ikus-entzuleak.